🔴 सिंधुदुर्ग नाभिक संघटनेचे माजी सरचिटणीस सुधीर चव्हाण यांचा समाजासाठी समर्पित प्रवास

🔹कुडाळ: सिंधुदुर्ग जिल्हा नाभिक संघटनेचे माजी तरुण आणि अभ्यासू जिल्हा सरचिटणीस मा. सुधीर चव्हाण हे नाभिक समाजातील एक महत्त्वाचे आणि प्रेरणादायी व्यक्तिमत्व आहेत. 

🔹त्यांनी अनेक वर्षे संघटनेच्या सचिवपदाची जबाबदारी अत्यंत समर्थपणे सांभाळली. त्यांची स्वामी भक्ती सर्वश्रुत आहे आणि त्यांच्या पिंगुळी येथील निवासस्थानी खुद्द स्वामींची पालखी मुक्कामासाठी राहिली, ही नाभिक समाजासाठी अत्यंत गौरवाची बाब आहे.

🔸सुधीर चव्हाण हे केवळ नाभिक समाजाचे नेते नाहीत, तर ते एक मार्गदर्शक आणि आधारस्तंभ म्हणून ओळखले जातात. 

🔹कणकवली तालुका नाभिक संघटनेच्या विविध कार्यक्रमांमध्ये त्यांची नियमित उपस्थिती असते आणि त्यांचे अभ्यासपूर्ण विचार नेहमीच उपस्थितांना नवी दिशा देतात. ते प्रसिद्धीपासून दूर राहून आपले कार्य करत असले, तरी त्यांचे योगदान खूप मोठे आहे, असे मत कणकवली तालुका नाभिक संघटनेने व्यक्त केले आहे.

🔸संघटनेने पुढे सांगितले की, सुधीर चव्हाण यांनी एका मोठ्या आजारावर यशस्वीरित्या मात केली, त्यावेळी संपूर्ण समाजाने देवाकडे त्यांचे आरोग्य परत मिळवण्यासाठी प्रार्थना केली होती. तसेच, त्यांच्या आईच्या निधनाच्या वेळी त्यांना झालेले दुःख सर्वांनी अनुभवले. अशा परिस्थितीतही त्यांनी दाखवलेली समजूतदारपणा आणि सकारात्मक दृष्टिकोन कौतुकास्पद आहे.

🔹कणकवली तालुका नाभिक संघटनेच्या सदस्यांनी सांगितले की, सुधीर चव्हाण आजही त्यांना मित्रांसारखे भेटतात आणि त्यांच्या भेटीने संघटनेच्या कार्यकर्त्यांचा उत्साह द्विगुणित होतो. त्यांच्या दीर्घायुष्यासाठी आणि उत्तम आरोग्यासाठी कणकवली तालुका नाभिक संघटनेने स्वामींच्या चरणी प्रार्थना केली आहे. 

🔸सुधीर चव्हाण यांचे समाजासाठी असलेले समर्पण आणि त्यांचे कार्य नेहमीच प्रेरणादायी राहील, असे मत संघटनेने व्यक्त केले आहे.

©️ कणकवली तालुका नाभिक संघटना