🔴 कणकवलीत नाभिक संघटनेतर्फे सद्गुरूनाथ माऊली महाराज वाळुंजकर यांचा सन्मान

 🔴 कणकवलीत नाभिक संघटनेतर्फे सद्गुरूनाथ माऊली महाराज वाळुंजकर यांचा सन्मान

​कणकवली:

कणकवलीचे परमहंस भालचंद्र महाराज यांचे पट्टशिष्य आणि वारकरी संप्रदायातील थोर संत सद्गुरूनाथ माऊली महाराज वाळुंजकर (पुणे) यांचे सध्या कणकवलीत आगमन झाले आहे. शनिवार, दिनांक १० जानेवारी २०२६ रोजी कणकवली तालुका नाभिक संघटनेच्या पदाधिकाऱ्यांनी भालचंद्र महाराज भक्त निवास येथे महाराजांची सदिच्छा भेट घेऊन त्यांचा सन्मान केला.

🔹 ​ नाभिक समाजाचा सार्थ अभिमान 

माऊली महाराज वाळुंजकर हे नाभिक समाजाचे असून त्यांनी वयाची १०१ वर्षे पूर्ण केली आहेत. आपल्या समाजातील एक महान व्यक्तिमत्व भालचंद्र महाराजांच्या आध्यात्मिक परंपरेचा वारसा समर्थपणे चालवत असल्याचा सार्थ अभिमान यावेळी संघटनेच्या पदाधिकाऱ्यांनी व्यक्त केला. या भेटीदरम्यान नाभिक नेते तथा माजी जिल्हाध्यक्ष अनिल अणावकर यांनी बाबांशी हृद्य संवाद साधला. बाबांनीही "सर्वांचे कल्याण होवो" असा शुभाशीर्वाद देऊन उपस्थितांना चहा आणि चुरमुरे-फरसाणचा प्रसाद दिला.

🔸 ​ मान्यवरांची उपस्थिती

यावेळी फोंडा विभागाचे माजी अध्यक्ष सुनील चव्हाण व त्यांच्या पत्नी यांच्या हस्ते महाराजांना प्रेमाची शाल आणि श्रीफळ देऊन सन्मानित करण्यात आले. याप्रसंगी जिल्हा कार्याध्यक्ष चंद्रशेखर चव्हाण, जिल्हा उपाध्यक्ष दाजी माने, माजी कणकवली खजिनदार रमेश आचरेकर, कर्मचारी संघटनेचे दशरथ चव्हाण आणि तालुका सरचिटणीस प्रवीण कुबल उपस्थित होते.