- कणकवली : दिनांक ३० ऑगस्ट २०२१ :
- दोन दिवस अगोदर कल्पना देऊन ऑनलाईन सभेचे आयोजन करण्यात आले.
- सर्वांना वैयक्तिक Whats App मेसेज पाठवून कळविण्यात आले.
- यापूर्वी दोन वेळा जिल्हा स्तरीय ऑनलाईन गुगल मीट घेतल्यामुळे काही नाभिक बांधवांना त्याची सवय झाली आहे ही उल्लेखनीय बाब आहे.
- प्रत्येकाने आपल्याला घरातून मिटिंग अटेंड करण्याचा प्रयत्न केला.
- मिटींगला ३० पेक्षा जास्त सदस्य , सदस्या उपस्थित राहिल्याबद्दल आनंदच आहे.
- सायंकाळी ५ ते ७ अशी दोन तासांची ऑनलाईन कार्यकारिणी सभा संपन्न झाली.
- मिटींगला महिलांचे प्रमाण लक्षणीय होते ही जमेची बाब .म्हणायला हवी.
- गोकुळाष्टमी असूनही खारेपाटण , कनेडी , नाटळ , कणकवली, कलमठ , जानवली, तळेरे , फोंडा येथील सदस्य उपस्थित होते.
- अजूनही आपल्या लोकांना ' गुगल मीट ' चे तांत्रिक ज्ञान नसल्यामुळे ते उपस्थित राहू शकले नसतील असा एक अंदाज व्यक्त करायला हरकत नाही.
- सभा वेळेवर सुरु झाली. पण आपले सदस्य अजूनही वेळेचे महत्त्व जाणत नाहीत. सदस्य मिटिंग संपण्याच्या वेळेला हजर झालेले दिसले. जबाबदार अध्यक्ष , सचिव आणि नाभिक बांधवांकडून अशा प्रकारची अपेक्षा नसते. सर्वांनी वेळेचे बंधन पाळणे महत्त्वाचे आहे.
- सभेचे इतिवृत्त खालीलप्रमाणे :
- सचिव श्री. प्रवीण कुबल यांनी सभेपुढील विषय सांगितले. तालुकाध्यक्ष लक्ष्मीकांत चव्हाण यांच्या अनुपस्थितीत सभेला सुरुवात झाली. उपस्थित जिल्हास्तरीय पदाधिकाऱ्यांच्या परवानगीने सभेला सुरुवात झाली.
- भावपूर्ण श्रद्धांजली : आपल्या समाजातील बांधव कोविड किंवा वयोमानानुसार निवर्तले आहेत. त्यांना कणकवली तालुका नाभिक संघटनेच्या वतीने भावपूर्ण श्रद्धांजली वाहण्यात आली. त्याचप्रमाणे ' महाराष्ट्र राज्य नाभिक महामंडळाचे संस्थापक अध्यक्ष कै.शशिकांत चव्हाण यांच्या निधनाबद्दल शोक व्यक्त करण्यात आला. सर्व मृतात्म्यांना आदरपूर्वक भावपूर्ण श्रद्धांजली वाहण्यात आली. जगातील , भारतातील , महाराष्ट्रातील , सिंधुदुर्गातील , कणकवलीतील सर्व मृतात्म्यांना कणकवली नाभिक संघटनेच्या वतीने भावपूर्ण श्रद्धांजली वाहण्यात आली. एक मिनिट स्तब्धता पाळण्यात आली.
- सर्वांचे हार्दिक शाब्दिक स्वागत : उपस्थित सर्व पदाधिकाऱ्यांचे शाब्दिक स्वागत करण्यात आले. जिल्हाध्यक्ष मा. अनिल अणावकर , जिल्हा खजिनदार मा. चंद्रशेखर चव्हाण , जिल्हा सल्लागार मा. सुभाष चव्हाण , महिला तालुकाध्यक्षा मा. संजना चव्हाण , उपाध्यक्षा मा. प्रिया प्रताप चव्हाण , महिला सहसचिव मा. हेमांगी अणावकर, खारेपाटण विभागीय अध्यक्ष मा. अनंत चव्हाण , कनेडी विभागीय अध्यक्ष मा. नंदकिशोर चव्हाण , तळेरे विभागीय अध्यक्ष मा. समीर चव्हाण , जय भवानी समूहाचे पदाधिकारी मा. रोशन चव्हाण आणि उपस्थित होतील तसे सर्वांचे शाब्दिक स्वागत करण्यात आले.
- मागील सभेचे इतिवृत्त वाचन व मंजुरी : २० फेब्रुवारी २०२१ रोजी प्रत्यक्ष सभा घेण्यात आली होती. त्या सभेचे इतिवृत्त वाचून दाखवण्यात आले. सदर इतिवृत्ताचे वाचन केल्यानंतर ' नाभिक संवर्धन निधी ' या मुद्द्यावर चर्चा झाली. त्या चर्चेत सर्वांनी आपला सहभाग नोंदवला. आपापली मते मांडली .
- नाभिक संवर्धन निधीचे चर्चेतील सर्वसाधारण निकष :
- कणकवली तालुका नाभिक संवर्धन निधी फक्त कणकवली नाभिकांसाठी वापरण्यात यावा.
- प्रत्येक विभागीय अध्यक्षांनी आपापल्या विभागातील निधी गोळा करावा.
- ज्या सदस्यांनी नाभिक संवर्धन निधीसाठी काही रक्कम दिली असेल त्यांनाच त्या निधीतून तात्काळ मदत देता येऊ शकते. ज्यांनी या निधीमध्ये आपली पदरमोड केलेली नसेल त्यांना या निधीमधून तात्काळ मदत देता येणार नाही.
- एका महिन्यातून एक किंवा दोन जणांना तात्काळ मदत देण्यासंदर्भात चर्चेचा सूर होता.
- संवर्धन निधी गोळा करताना त्यासाठी वेगळे पावतीपुस्तक छापून त्या लेखाशिर्षाखालीच पावती देऊन रक्कम जमा करता येऊ शकते.
- जमा केलेली रक्कम हाती न ठेवता संघटनेच्या वेगळ्या म्हणजेच संवर्धन खात्यावर रक्कम जमा करण्यात येईल. ज्यांना रक्कम दिली जाईल त्यांच्या नावे चेक देण्यात येईल. रोख रक्कम दिली जाणार नाही.
- विविध आजार लक्षात घेऊन त्यांची प्रसंगानुरूप आवश्यकता लक्षात घेऊन रक्कम देण्यात येईल.
- कमीतकमी १००० व जास्तीत जास्त २००० इतकी तात्काळ मदत देण्यात येईल.
- आपल्या कणकवली तालुक्यात जर २०० कारागीर आहेत असे मानले तर प्रत्येकी १०० रुपये एकावेळेला संवर्धन निधी जमा केला तर तो २०००० रुपये इतका जमा होईल.
- ज्यांना त्याहीपेक्षा जास्त रक्कम जमा करावयाची असेल तर ते स्वखुशीने देऊ शकतात. पण १०० रुपये ही कमीत कमी रक्कम असेल.
- यासाठी एक वेगळी ' संवर्धन निधी समिती ' नेमण्यात येईल. त्यांच्या निर्णयानुसार निधीचा ' तात्काळ ' विनियोग केला जाईल. या निधीचा वेगळा हिशेब ठेवण्यात येईल. समितीचा निर्णय अंतिम असेल.
- साध्या आजारासाठी निधी न मागता खरोखर गरज असेल तरच निधी मागावा.
- निधी मागताना लेखी रीतसर अर्ज करावा.
- एखाद्याने निधीसाठी आपली रक्कम दिली आहे आणि त्यांना तात्काळ मदत मिळाली नाही असे होऊ शकते. प्रत्येकालाच हा निधी मिळाला पाहिजे हे महत्त्वाचे नसून ज्यांच्यावर आकस्मिक प्रसंग ओढवला आहे , आणि त्यांची परिस्थितीही नाही , त्यांनाच आपल्याला हा ' मदतीचा हात ' सर्वांनी मिळून देत आहोत ही महत्त्वाची बाब सर्वांनी लक्षात घ्यावी.
- वरील निकष हे तात्पुरते असून त्यात बदल होऊ शकतात. उपस्थित सदस्यांनी हे निकष सांगितले आहेत. अनुपस्थित लोकांनी आपली मते मांडायला हरकत नाही. त्यासाठी आपल्या ग्रुपच्या माध्यमातून विचार व्यक्त करायला हरकत नाही. पुढील दहा दिवस आपण यावर विचार व्यक्त करू शकता. जर आपल्या कोणाकडूनही विचार व्यक्त केले गेले नाहीत तर ' नाभिक संवर्धन निधी समिती ' च्या माध्यमातून निकषांबाबत अंतिम निर्णय घेण्यात येईल.
- संघटनात्मक कार्याचा आढावा :
- सिंधुदुर्ग जिल्हा नाभिक संघटनेच्या संकेतस्थळावरील ' नाभिक शौर्य पुरस्कार , पूरग्रस्तांना मदत ' चे व्हिडीओ दाखवण्यात आले. मा. अनिल अणावकर यांनी मार्गदर्शन केले.
- विविध परीक्षांमध्ये उत्तीर्ण मुलांचे अभिनंदन व पुढील वाटचालीसाठी शुभेच्छा देण्यात आल्या.
- गाऊ नाचु सेनानंदे : २०२१ या सिंधुदुर्ग जिल्हा नाभिक संघटनेच्या उपक्रमाबद्दल चर्चा झाली. त्यात सहभागी सर्वांचे कौतुक करण्यात आले. कु. दिक्षा नंदकिशोर चव्हाण ( कॅरम गर्ल ) ही सभेला उपस्थित होती. तिचेही सर्वांनी कौतुक केले व तिच्या पुढील वाटचालीसाठी शुभेच्छा देण्यात आल्या.
- संत सेना महाराज पुण्यतिथी : २०२१ : नियोजन व चर्चा : येत्या ४ सप्टेंबर रोजी आपल्या संतांची पुण्यतिथी येत असून त्या पुण्यतिथी सोहळ्याचे नियोजन करण्यासंदर्भात चर्चा झाली. सर्वांनी आपापले विचार मांडले. जिल्हाधीकारी सिंधुदुर्ग यांनी जमावबंदी आदेश काढला असल्याने यंदाही आपल्याला साध्या पद्धतीनेच पुण्यतिथी साजरी करावी लागणार आहे. त्यासाठी आपल्याकडे असलेल्या शिल्लक निधीमधूनच खर्च करण्याबाबत ठराव संमत करण्यात आला. तसेच पूर्वतयारी करण्याच्या दृष्टीने आदल्यादिवशी शुक्रवार दिनांक ३ सप्टेंबर रोजी दुपारी ठिक ३ वाजता कणकवली शहरातील सर्वांनी मा. अनिल अणावकर यांच्या निवासस्थानी उपस्थित राहण्याचे ठरले.
- नवीन सदस्यांचे व नवीन सलून दुकान चालक , मालक यांचे अभिनंदन व शुभेच्छा : कणकवलीत सतत बदल घडत असताना आपल्या नाभिक बांधवांना आपले नवीन दुकान असावे असे वाटते. काही बांधव आपल्या संघटनेला त्यात सामील करून घेतात, काही घेत नाहीत असे दिसते. तरी यापुढे असे घडू नये याची काळजी घ्यावी. आपल्या आनंदात आपण आपल्या नाभिक बांधवांना सामील करून घेऊन संघटनेस लेखी पात्र देऊन आमंत्रित करण्यासंदर्भात ठराव घेण्यात आला.
- आयत्या वेळेचे विषय व आलेल्या अर्जांचे वाचन व चर्चा : यावेळी कोणतेही आयत्या वेलीचे विषय झाले नाहीत. तसेच कोणतेही लेखी अर्ज नसल्यामुळे चर्चा झाली नाही.
- सचिव श्री. प्रवीण कुबल यांनी सर्वांचे आभार मानले व अध्यक्षांच्या परवानगीने सभा संपल्याचे जाहीर केले.
