कणकवली तालुका नाभिक महिला तालुकाध्यक्षा तेजस्विनी कुबल यांची सर्वानुमते निवड

 

 कणकवली : दिनांक 18 ऑक्टोबर 21

          सोमवारी जिल्हाध्यक्ष अनिल अणावकर यांच्या निवासस्थानी कणकवली तालुका नाभिक महिला मंडळाची विशेष सहविचार सभा संपन्न झाली. 

          त्यावेळी काही महत्वाच्या मुद्द्यांवर चर्चा करण्यात आली. त्यावेळी 15 पेक्षा जास्त महिला उपस्थित होत्या. 

          कणकवली तालुका नाभिक महिला सल्लागार म्हणून माननीय भक्ती विलास चव्हाण यांची निवड झाली. तालुका उपाध्यक्षा म्हणून रसिका रमेश आचरेकर यांची निवड करण्यात आली. 

          कणकवली तालुका शहर विभागातील महिलांनी बचत गटाची स्थापना केली. माजी तालुकाध्यक्षा सन्माननीय संजना संजय चव्हाण यांनी स्वेच्छेने आपल्या पदाचा कार्यभार नूतन तालुकाध्यक्षा माननीय तेजस्विनी तुळशीदास कुबल यांच्याकडे सोपविला. त्याचप्रमाणे कणकवली तालुका महिला नाभिक मंडळाच्या सचिव ईश्वरी प्रवीण कुबल यांनीही सचिव पदाची धुरा कु. हेमांगी अनिल अणावकर यांच्या हाती दिली. 

          गेली तीन वर्ष सलग अत्यंत उत्कृष्ट काम केल्याबद्दल माजी तालुकाध्यक्षा संजना संजय चव्हाण यांचे महिला मंडळाच्या वतीने आभार मानण्यात आले.त्याचप्रमाणे माजी उपाध्यक्षा माननीय प्रिया प्रताप चव्हाण यांनी यशस्वीपणे उपाध्यक्षा म्हणून काम केल्याबद्दल त्यांचेही आभार मानण्यात आले. 

          माजी तालुका सल्लागार माननीय दिप्ती दत्ताराम चव्हाण यांचेही आभार मानण्यात आले. 

          डिसेंबर महिन्यामध्ये कनेडी, फोंडा ,  खारेपाटण , नांदगाव , तळेरे आणि कणकवली या विभागांमध्ये नाभिक महिलांच्या वतीने दौरा काढण्याचे ठरवण्यात आले.

          कणकवली तालुका महिला सचिव कुमारी हेमांगी अनिल अणावकर यांनी उपस्थित सर्व  महिलांचे आभार मानले.

          सर्व नवनिर्वाचित पदाधिकाऱ्यांचे जिल्हाध्यक्ष अनिल यशवंत अणावकर व महिला तालुका कार्याध्यक्षा प्रिया दशरथ चव्हाण यांनी स्वागत व अभिनंदन केले. त्यावेळी जय भवानी ग्रुपचे दशरथ चव्हाण उपस्थित होते. नवनिर्वाचित सचिव कुमारी हेमांगी अनिल अणावकर यांचेही कणकवली तालुका नाभिक संघटनेच्यावतीने विशेष कौतुक करण्यात आले.

©️ कणकवली तालुका नाभिक संघटना