🔴 कणकवली तालुका नाभिक संघटनेच्या सहविचार सभेत विविध विषयांवर महत्त्वपूर्ण निर्णय;
🔸 ८ सप्टेंबर रोजी संत सेना महाराज पुण्यतिथी उत्सव
कणकवली:
कणकवली तालुका नाभिक संघटनेची सहविचार सभा सोमवार, दिनांक ३१ ऑगस्ट २०२६ रोजी दुपारी ३:३० वाजता माजी जिल्हाध्यक्ष तथा नाभिक नेते अनिल अणावकर यांच्या निवासस्थानी उत्साहात संपन्न झाली. या सभेत संत सेना महाराज पुण्यतिथी उत्सव, गुणवंत विद्यार्थ्यांचा सत्कार आणि संघटनात्मक निवडीबाबत महत्त्वपूर्ण निर्णय घेण्यात आले.
सभेची सुरुवात संत सेना महाराज यांच्या प्रतिमेस पुष्पहार अर्पण करून व दीपप्रज्वलनाने झाली. यानंतर उपस्थित सर्व मान्यवर व समाजबांधवांचे गुलाबपुष्प देऊन स्वागत करण्यात आले.
सभेच्या सुरुवातीला मागील सभेचे इतिवृत्त वाचन करून ते एकमुखाने मंजूर करण्यात आले, तसेच संघटनेच्या मागील खर्चास सर्वानुमते मंजुरी देण्यात आली.
🔹 सभेत घेण्यात आलेले महत्त्वाचे निर्णय:
संत सेना महाराज पुण्यतिथी उत्सव:
मंगळवार, दिनांक ०८ सप्टेंबर २०२६ रोजी अनिल अणावकर यांच्या निवासस्थानी सकाळी ८ ते ११ या वेळेत संत सेना महाराज पुण्यतिथी उत्सव साजरा करण्याचा निर्णय घेण्यात आला.
वर्गणी निश्चिती:
संघटनेची वार्षिक सभासद वर्गणी ₹१०० तर संत सेना महाराज पुण्यतिथी उत्सवासाठी ₹३०० वर्गणी घेण्याचे सर्वानुमते ठरले.
गुणवंत विद्यार्थ्यांचा सत्कार:
इयत्ता १० वी आणि १२ वी उत्तीर्ण झालेल्या नाभिक समाजातील गुणवंत विद्यार्थ्यांना पुण्यतिथी उत्सवादिवशी भेटवस्तू व प्रमाणपत्र देऊन गौरविण्यात येणार आहे. यासाठी सर्व विभागीय अध्यक्षांनी आपापल्या भागातील पात्र विद्यार्थ्यांची नावे पुढील दोन दिवसांत तालुका सरचिटणीसांकडे जमा करावीत, असा ठराव करण्यात आला.
तालुकाध्यक्ष पदाची निवड:
कणकवली तालुकाध्यक्ष पदाची निवड आगामी दसऱ्यानंतर होणाऱ्या वार्षिक सर्वसाधारण सभेत करण्याचे निश्चित झाले.
🔹 उपस्थित पदाधिकारी व मान्यवर:
या सभेला माजी जिल्हाध्यक्ष अनिल अणावकर, जिल्हा सलून अध्यक्ष विठोबा चव्हाण, तालुकाध्यक्ष रोशन चव्हाण, उपाध्यक्ष निलेश चव्हाण, कार्याध्यक्ष संजय कुबल, माजी तालुकाध्यक्ष लक्ष्मीकांत चव्हाण, जिल्हा कार्याध्यक्ष चंद्रशेखर चव्हाण, तालुका सरचिटणीस प्रवीण कुबल, खजिनदार मनोज चव्हाण, प्रसिद्धीप्रमुख प्रणय चव्हाण, सहखजिनदार राजेश चव्हाण, ज्येष्ठ सल्लागार नंदकुमार चव्हाण (गुरुजी) उपस्थित होते.
तसेच विभागीय अध्यक्षांमध्ये अजय चव्हाण (तळेरे), संतोष चव्हाण (खारेपाटण), दत्ताराम चव्हाण (फोंडा), प्रशांत चव्हाण (कनेडी), माजी खारेपाटण अध्यक्ष अनंत चव्हाण, जिल्हा सदस्य चंद्रकांत चव्हाण यांच्यासह संतोष टिपूगडे, शरद लाड, सुरज चव्हाण, आशिष चव्हाण, सुनील चव्हाण, गणेश चव्हाण, समीर चव्हाण, मनोज साळुंके, यश चव्हाण आणि मोठ्या संख्येने समाजबांधव उपस्थित होते.
सभेच्या शेवटी उपस्थितांसाठी चहापानाची व्यवस्था करण्यात आली होती. आभार प्रदर्शनानंतर सभेची सांगता झाली.




























ReplyDeleteसभेसाठी झालेला खर्च
🔸हार व गुलाबपुष्प : 80 रुपये
🔸झेरॉक्स खर्च : 25 रुपये
🔸चहा व लाडू खर्च : 410 रुपये
▪️एकूण खर्च : 515 रुपये