कणकवली : दिनांक १ ऑगस्ट २०१९ : प्रतिवर्षाप्रमाणे श्रावण महिन्यात येणारी संत सेना महाराजांची पुण्यतिथी कणकवली तालुका नाभिक मंडळाच्या वतीने अत्यंत उत्साहात साजरी केली जाणार आहे. यंदा २७ ऑगस्ट रोजी संत सेना महाराजांची पुण्यतिथी येत असल्याने त्यादिवशी विविध कार्यक्रमांचे आयोजन करण्यात येणार आहे. त्यासंदर्भात अधिक चर्चा करण्याच्या उद्देशाने १० ऑगस्ट रोजी कणकवली तालुका नाभिक मंडळची सहविचार सभा अनिल अणावकर यांच्या निवासस्थानी भालचंद्र नगर येथे दुपारनंतर ठिक २ वाजता संपन्न होणार आहे. तरी सर्व कणकवली तालुक्यातील नाभिक बांधवांना नम्र विनंती करण्यात येत आहे कि, सर्व सलूनधारक, सलूनकारागीर, नाभिक कर्मचारी यांनी सभेला उपस्थित राहावे. सर्व कनेडी ,फोंडा,नांदगाव, तरेळे ,खारेपाटण विभागीय अध्यक्ष, सचिव  यांनी आवर्जून उपस्थित राहावे असे आवाहन  कणकवली तालुका नाभिक मंडळाचे सचिव प्रवीण कुबल यांनी केले आहे.